اسلام آباد(آئی این پی )وفاقی وزیرداخلہ چوہدری نثار علی خان نے کہا ہے کہ پاکستان کے دشمن سول ملٹری قریبی تعلقات نہیں دیکھنا چاہتے،سول ملٹری تعلقات وقت کی ضرورت ہے اور عظیم قومی مفاد میں ہیں،سول اور عسکری اداروں کو یک زبان ہو کر بولنا چاہیے۔جمعرات کو حالیہ ترقی پانے والے میجرز جنرلز سے خطاب کرتے ہوئے چوہدری نثار علی خان نے کہا ہے کہ
سول ملٹری تعلقات وقت کی ضرورت ہے اور عظیم قومی مفاد میں ہیں،پاکستان کے دشمن سول ملٹری قریبی تعلقات نہیں دیکھنا چاہتے،کچھ دوست نما دشمن بھی سول عسکری اداروں کو اکٹھے کام کرتے دیکھنا نہیں چاہتے۔انہوں نے کہا کہ سول اور عسکری اداروں کو یک زبان ہو کر بولنا چاہیے،سول عسکری ادارے متفق ہو کر کام اور آنے والے برسوں میں ملک کی خدمت کریں گے۔
