راولپنڈی(مانیٹرنگ ڈیسک)افغانستان سے دہشت گردوں نے پاکستانی فوجیوں پر حملہ کردیا، ایک جوان زخمی ہوگیا، وانا منتقل کردیا گیا، افغان حدود میں تخریب کاروں کے ٹھکانوں پر جوابی کارروائی میں جانی و مالی نقصانات کی اطلاعات ہیں۔آئی ایس پی آر کے مطابق جنوبی وزیرستان میں افغان سرحدی علاقے سے دہشت
گردوں نے پاک فوج کی چوکی پر حملہ کیا، فائرنگ کے نتیجے میں ایک اہلکار زخمی ہوگیا، جسے ہیلی کاپٹر کے ذریعے وانا منتقل کردیا گیا۔ترجمان پاک فوج کے مطابق افغان دہشت گردوں کیخلاف جوابی کارروائی کی گئی، افغان حدود میں تخریب کاروں کے ٹھکانوں کو نشانہ بنایا، جہاں جانی و مالی نقصانات کی بھی اطلاعات ہیں۔
