راولپنڈی(آئی این پی)پاک فوج نے ایف آر ٹانک میں خفیہ اطلاع پر آپریشن کیا اور فائرنگ کے تبادلے میں کالعدم تحریک طالبان پاکستان ( ٹی ٹی پی) کے 4دہشتگرد مارے گئے۔پیر کوپاک فوج کے شعبہ تعلقات عامہ آئی ایس پی آر کے مطابق پاک فوج نے ٹانک میں خفیہ اطلاع پر آپریشن کیا،فائرنگ کے تبادلے میں کالعدم ٹی ٹی پی کے چار دہشتگرد مارے گئے،ان دہشتگردوں کا تعلق ٹی ٹی پی کے
عصمت اللہ شاہین گروپ سے ہے،ہلاک ہونے والوں کے نام کمانڈوز مان عرف طوفان،نائب کمانڈر عمر شاہین،کمانڈر واسع اللہ اور کمانڈو زلام دین عرف ظلمت ہیں،کمانڈر عمر شاہین عصمت اللہ شاہین کا بیٹا ہے،عصمت اللہ شاہین کالعدم ٹی ٹی پی کا اہم رکن اور شوریٰ کا اہم رکن تھا،مارے جانے والے دہشتگرد ڈی آئی خان میں ٹارگٹ کلنگ،بھتہ خوری اور اغواء برائے تاوان میں ملوث تھے
