راولپنڈی (مانیٹرنگ ڈیسک)پاکستان کے چاروں صوبوں میں ہونے والی دہشتگردی کی لگاتار کارروائیوں کے بعد پاک فوج نے افغانستان کے حوالے سے اہم ترین اعلان کردیا۔پاک فوج کے شعبہ تعلقات عامہ آئی ایس پی آر کے ترجمان میجر جنرل آصف غفور نے سیہون شریف پر ہونے والے افسوسناک خود کش حملے کے بعد کہا ہے کہ حال ہی میں ہونے والے دہشتگردانہ حملے پاکستان مخالف دشمن قوتوں کے حکم پر کیے جا رہے ہیں۔
دہشتگرد افغانستان میں موجود اپنی کمین گاہوں سے نکل کر پاکستان میں کارروائیاں کر رہے ہیں۔ میجر جنرل آصف غفور نے واضح کیا کہ اب وقت آگیا ہے کہ ہم اپنا دفاع کریں اورر دشمن کو بھرپور جواب دیں گے۔ واضح رہے کہ درگاہ لعل شہباز قلندر پر ہونے والا دھماکہ پچھلے 5 دنوں میں ہونے والا آٹھواں حملہ ہے ۔ دہشتگردوں نے پے در پے حملوں میں پاکستان کے چاروں صوبوں کو نشانہ بنایا ہے ۔
