اسلام آباد(مانیٹرنگ ڈیسک)وزیراعظم نواز شریف کو افغان صدر اشرف غنی نے ٹیلی فون کرکے لاہور دھماکے پر گہرے دکھ اور افسوس کا اظہار کیا ہے۔ایک نجی ٹی وی کے مطابق وزیراعظم نواز شریف کو افغان صدر اشرف غنی نے ٹیلی فون کیا اور لاہور میں خود کش دھماکے پر گہرے دکھ اور افسوس کا اظہار کیا ہے۔ اس موقع پر وزیراعظم
نواز شریف نےافغان صدراشرف غنی سے گفتگو کرتے ہوئے کہاکہدہشت گرد دونوں ممالک کے مشترکہ دشمن ہیں، ایسے بزدلانہ واقعات ہمارے عزم کو متزلزل نہیں کرسکتے۔واضح رہے کہ گزشتہ روزلاہورمیں خودکش بم دھماکے میں واقعے میں پولیس کے اعلیٰ افسران اور اہلکاروں سمیت 12 سے زائد افراد شہید اور درجنوں زخمی ہوگئے تھے۔
