اسلام آباد(آئی این پی)وفاقی وزیرداخلہ چوہدری نثار علی خان نے بلاگرز کے خلاف مقدمہ درج کیے جانے کی خبر کا سخت نوٹس لیتے ہوئے کہا ہے کہ یہ کیسے ممکن ہے کہ ایف آئی آے بغیرتحقیق و تفتیش کسی کے خلاف مقدمہ درج کرے،بلاگرز اور ان کے خاندان گذشتہ کئی روز سے ایک مشکل صورتحال سے گزررہے ہیں۔ بدھ کو وزیرداخلہ چوہدری نثار علی خان نے بلاگرز کے خلاف مقدمہ درج کیے جانے کی خبرکاسخت نوٹس لیا۔
چوہدری نثار نے کہاکہ یہ کیسے ممکن ہے کہ ایف آئی اے بغیرتحقیق و تفتیش کسی کے خلاف مقدمہ درج کے،بلاگرز اور ان کے خاندان گذشتہ کئی روز سے ایک مشکل صورتحال سے گزررہے ہیں۔انہوں نے کہاکہ کس نے ایف آئی اے کو یہ اختیاردیا کہ وہ ان کی پریشانی میں اضافہ کرے،ایف آئی اے کی غیرضروری اور بلاجواز فعالیت کا تعین کیا جائے۔۔۔۔
