پاراچنار(مانیٹرنگ ڈیسک) دشمنوں کی پاکستان پر کاری ضرب، پاک فوج حرکت میں آگئی ۔ آئی ایس پی آر کے مطابق پاراچنار کی سبزی منڈی میں دھماکے کے بعد 10افراد جاں بحق جبکہ 30 افراد زخمی ہوئے ہیں۔آئی ایس پی آر کے مطابق دھماکہ صبح 8 بج کر 50 منٹ پر کیا گیا۔دھماکا آئی ای ڈی کے ذریعے کیا گیا۔فوج اور ایف سی کوئیک ری ایکشن فورس حادثے کی جگہ پہنچ گئی۔

فوج کے ہیلی کاپٹرز زخمیوں کواسپتال منتقل کر رہے ہیں۔ تفصیلات کے مطابق پاراچنارکی عید گاہ مارکیٹ میں دھماکہ ہونے سے10افراد جاں بحق اور 30 سے زائد زخمی ہوگئے ہیں ,10 زخمیوں کی حالت تشویشناک بتائی جارہی ہےجبکہ مزید ہلاکتو ں کا خدشہ ہے۔پولیٹیکل انتظامیہ کے مطابق دھماکہ پرانی سبزی منڈی میں اس وقت ہوا جب وہاں پر لوگوں کا سبزی خریدنے کیلئے رش لگا ہوا تھا۔نجی ٹی وی دنیا نیوزکے مطابق سکیورٹی اداروں نے علاقے کو گھیرے میں لے کر سرچ آپریشن شروع کردیا ہے جبکہ ریسکیو آپر یشن بھی جاری ہے۔دھماکہ میں زخمی ہونے والے افراد کو ایجنسی ہیڈ کوارٹر ہسپتال منتقل کیا جارہا ہے۔یاد رہے کہ اس سے قبل بھی عید گاہ مارکیٹ میں تین دھماکے ہوچکے ہیں اور یہ چوتھا دھماکہ ہے۔