کراچی(این این آئی)پاکستان پیپلزپارٹی پارلیمنٹرینز کے صدرآصف زرداری اورپیپلزپارٹی کے چیئرمین بلاول بھٹو زرداری کے تیر کے نشان پر ضمنی الیکشن لڑنے کا مسئلہ حل ہو گیا ہے، پیپلزپارٹی پارلیمنٹرینز نے پیپلزپارٹی سے اتحاد کر لیا ہے۔ ذرائع کے مطابق باپ بیٹا ایک ہی انتخابی نشان پر ضمنی الیکشن لڑنا چاہتے ہیں مگربلاول کی پیپلزپارٹی کاانتخابی نشان 2تلواریں ہے جبکہ پیپلزپارٹی پارلیمنٹرینز کا انتخابی نشان تیر ہے ۔الیکشن قوانین کے مطابق دوالگ الگ پارٹی کے رہنما ایک انتخابی نشان پر الیکشن نہیں لڑ سکتے ، اس مسئلے کے حل کے لئے پیپلزپارٹی پارلیمنٹرینز اور پیپلزپارٹی نے انتخابی اتحاد کر لیا ہے، یہ انوکھا اتحاد اس سے پہلے کبھی نہیں ہوا ہے۔

موضوعات:آصف زرداری بلاول بھٹو زرداری