اسلام آباد(مانیٹرنگ ڈیسک) نجی ٹی وی چینل کے پروگرام میں گفتگو کرتے ہوئے سینئر صحافی حامد میر نے کہا ہے کہ قطری شیخ جو پاکستان میں آ کر کر رہے ہیں وہ انتہائی قابل مذمت ہے۔ پچھلے دنوں قطری شیخ بدین میں شکار کرنے آئے، بدین سندھ کا علاقہ ہے اور وہاں پیپلز پارٹی کی حکومت ہے۔ وہاں ان قطریوں کے ساتھ 6 انڈینز بھی آ گئے۔ ان انڈینز کے پاس نہ کوئی پاسپورٹ تھا اور نہ ہی کوئی ویزہ تھا۔اس کا کیا مطلب تھا کہ یہ لوگ سیدھا اپنا جہاز پاکستان میں لینڈ کریں اور بغیر کسی روک ٹوک کے منہ اٹھا کر جہاں مرضی چلے جائیں۔

اس بات کا جواب کون دے گا کہ 6 انڈینز کیوں ساتھ آئے ان قطری شہزادوں کے۔حامد میر کا کہناتھا کہ قطری شیخ پاکستان میں صرف تلور کے شکار کیلئے نہیں آتے بلکہ یہاں ان کے پاکستانی میزبان تلور کے ساتھ ساتھ ان کی عیاشی کا بندو بست بھی کرتے ہیں۔ پاکستان میں قطریوں کو تلور کے ساتھ ساتھ پاکستان کی عزتیں بھی پیش کی جاتی ہیں۔ قطری شیخ پاکستان میں تلور کے ساتھ ان عزتوں کا بھی شکار کھیلتے ہیں۔