اسلام آباد( آن لائن)وفاقی وزیر داخلہ چوہدری نثار علی خان کے نوٹس پر2008 سے ایک سیاسی جماعت کے سربراہ کے قریبی دوست کے زیر استعمال سرکاری گاڑی بازیاب کرا لی گئی۔ وزارت داخلہ سے جاری بیان کے مطابق وزیر داخلہ کے عوامی وسائل کے غیرقانون استعمال پر لیے گئے نوٹس پر 2008 سے زیر استعمال سرکاری گاڑی بازیاب کرائی گئی۔ مذکورہ ٹویوٹا ڈبل کیبن گاڑی ایف سی کی ملکیت تھی جو 2008 سے پیپلزپارٹی کے سابق سینیٹر اور آصف علی زرداری کے قریبی دوست ڈاکٹر عبدالقیوم سومرو کے زیراستعمال تھی۔ایکسپریس ٹربیون کے مطابق یہ گاڑیاں انٹیلی جنس فنڈز سے خریدی گئی تھیں لیکن وزارت کے پاس اس کا ریکارڈ موجود نہیں اور اب وزارت داخلہ نے گاڑی کی مرمت کیلئے ڈاکٹرسومروکو بل بھیجنے کافیصلہ کرلیاہے ۔ اس سے قبل بھی وزیر داخلہ کے نوٹس لینے پر وزارت داخلہ کی تین گاڑیاں جن میں دو لینڈ کروزر اورایک ڈبل کیبن گاڑیاں شامل ہیں تین سابق وفاقی وزراءسے بازیاب کرائی جا چکی ہیں۔

موضوعات:چوہدری نثار