راولپنڈی(این این آئی) چیف آف آرمی سٹاف جنرل قمر جاوید باجوہ نے بھارتی آرمی چیف کے نام نہاد سرجیکل سٹرائیک کے دعویٰ کومسترد کرتے ہوئے کہاہے کہ پاکستان کی مسلح افواج بھارت کی کسی بھی جارحیت کا جواب دینے کیلئے پوری طرح تیار ہیں ۔ڈی جی آئی ایس پی آر میجر جنرل آصف غفور کی طرف سے سوشل میڈیا پر جاری بیان کے مطابق آرمی چیف جنرل قمر جاوید باجوہ نے بھارتی آرمی چیف کے سرجیکل سٹرائیک کے دعویٰ کو مسترد کرتے ہوئے کہاکہ یہ خود کو دھوکہ دینے کے مترادف ہے ۔پاکستان کی مسلح افواج بھارت کی کسی بھی جارحیت کا جواب دینے کیلئے پوری طرح تیار ہیں ۔انہوں نے سرجیکل سٹرائیک کے امکان کو بھی مسترد کر دیا ۔