راولپنڈی(آئی این پی) جنگی جنون میں مبتلا بھارت کی جانب سے ایک بار پھر لائن آف کنٹرول کی خلاف ورزی‘ بھارتی فوج نے چری کوٹ سیکٹر پر بلا اشتعال فائرنگ کردی ‘ پاک فوج کی موثر جوابی کارروائی نے دشمن کی بندوقیں اور توپیں خاموش کر ا دیں۔

جمعہ کو پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے چری کوٹ سیکٹر میں شام 4:40 سے 5:40 تک مارٹر سے شیلنگ کی جبکہ پاک فوج کی طرف سے بھارتی فائرنگ کے جواب میں موثر کارروائی کی گئی اور اس کا بھرپور جواب دیا جس سے دشمن کی بندوقیں اور توپیں خاموش ہوگئیں