اسلام آباد(مانیٹرنگ ڈیسک) پاکستان تحریک انصاف کے سربراہ عمران خان سابق مرکزی رہنماء پاکستان پیپلز پارٹی ذوالفقار مرزا کے گھر پہنچ گئے۔ نجی ٹی وی چینل کی رپورٹ کے مطابق عمران خان ذوالفقار مرزا کے گھر پہنچے اور ان کی والدہ کی وفات پر ان سے اظہار تعزیت کیا اور فاتحہ خوانی کی۔ عمران خان کا اس موقع
پر کہنا تھا کہ ذوالفقار مرزا کی والدہ کی وفات مرزا خاندان کیلئے بہت بڑا سانحہ ہے۔ اللہ تعالیٰ مرحومہ کو جنت الفردو میں جگہ عطا فرمائے اور ان کے لواحقین کو صبر جمیل عطا فرمائے۔ تحریک انصاف کے سربراہ عمران خان اس سے قبل انصاف ہاؤس میں موجود تھے۔
