اسلام آباد (مانیٹرنگ ڈیسک) معروف صحافی و تجزیہ نگار حامد میر نے اپنے ایک کالم میں انکشاف کیا ہے کہ جنرل راحیل شریف نے نوازشریف سے مدت ملازمت میں توسیع کے ساتھ ساتھ فیلڈ مارشل کا عہدہ بھی مانگا تھا،لیکن نوازشریف نے انکارکردیا۔

انہوں نے انکشاف کیا ہے کہ نوازشریف نے نیم دلی کیساتھ پرویزمشرف کوبیرون ملک بھجواکرساراملبہ عدالتوں پرڈال دیالیکن بھلاہوپرویز مشرف کاجنہوں نے یہ ملبہ ہرطرف پھیلانے کی کوشش شروع کردی ہے۔یہاں یہ بتانا بھی ضروری ہے کہ نوازشریف چاہتے تو جنرل راحیل شریف کو انکار بھی کر سکتے تھے۔ نواز شریف نے کئی دفعہ راحیل شریف کو انکار بھی کیا۔ جنرل راحیل شریف نے نواز شریف سے مدت ملازمت میں توسیع کے ساتھ ساتھ فیلڈ مارشل کا عہدہ بھی مانگا تھا۔ لیکن نواز شریف نے انکار کیا۔ اگر نواز شریف چاہتے تو پرویز مشرف کو بیرون ملک بھجوانے سے انکار کر سکتے تھے لیکن ان کا انکار آخر کار اقرار میں بدل گیاجس کی تمام ذمہ داری چوہدری نثار پر نہیں ڈالی جا سکتی ۔