اسلام آباد(مانیٹرنگ ڈیسک) نجی ٹی وی چینل اے آروائی نیوز کے پروگرام میں گفتگو کرتے ہوئے صحافی سمیع ابراہیم نے کہا ہے کہ دانیال عزیز کے والد انور عزیز کے بارے میں نواز شریف نے ایک بار کسی کو کہا تھا کہ اسے اتنی جوتیاں مارو سیالکوٹ میں کہ اس کی چیخیں لاہور تک آنی چاہئیں، دانیال عزیز اپنے والد انور عزیز کو بچانے کیلئے آج نواز شریف کے حق میں گفتگو کرتے ہیں۔
دانیال عزیز کی گفتگو کی وجہ سے ہی انور عزیز کے ماضی پر بات کی جاتی ہے۔ سمیع ابراہیم نے کہا کہ دانیال عزیز نے گزشتہ روز ہی ایک ٹویٹ کیا ہے ۔دنیا بھر میں کہیں بھی کچھ ہو جائے اس کا الزام پاکستانی فوج کے اوپر اٹھا کر ڈال دیا جاتا ہے۔ سمیع ابراہیم نے کہا کہ امریکہ میں ایک شخص ڈیکلن واش جسے قومی سلامتی کے محکمے سے نکال دیا گیا تھا اس کو مینشن کرکے ۔
اس کے ساتھ مل کر دانیال عزیز پاک فوج کو یوں مخاطب کررہے ہیں کہ ’’لڑکو! دیکھو یہ حکمت عملی کام نہیں کرے گی‘‘۔ سمیع ابراہیم نے کہا کہ دانیال عزیز وزارت کے خواب دیکھنے والے (ن) لیگ کے عہدے دار ہیں اور یہ پاک فوج کیخلاف ہزرہ سرائی کو اپنا مشن سمجھتے ہیں۔