اسلام آباد(مانیٹرنگ ڈیسک) نجی ٹی وی چینل ایکسپریس نیوز کے مطابق سابق گورنر سندھ ڈاکٹر عشرت العباد کو دوبارہ گورنر سندھ بنائے جانے کے امکانات ہیں۔ ایکسپریس نیوز کے مطابق ذرائع نے بتایا ہے کہ پاکستان مسلم لیگ(ن) کے کچھ وفاقی وزراء و رہنماء چاہتے ہیں کہ مشاہد اللہ کو گورنر سندھ بنایا جائے لیکن سندھ کی تاجر برادری اور اہم سرکاری افسران نے وزیر اعظم نواز شریف سے یہ سفارش کی ہے کہ ڈاکٹر عشرت العباد کو دوبارہ گورنر سندھ لگا دیا جائے۔ نجی ٹی وی ذرائع کے مطابق سابق گورنر سندھ ڈاکٹر عشرت العباد کے چند حکومتی رہنماؤں سے اس سلسلے میں رابطے بھی ہیں۔