اسلام آباد(مانیٹرنگ ڈیسک) نجی ٹی وی چینل ARY کے پروگرام میں گفتگو کرتے ہوئے صحافی ارشد شریف نے کہا ہے کہ نواز شریف کی مری میں جائیدادوں کا ذکر ان کے اثاثہ جات میں بھی ہوا ہے جس کے مطابق وہ جائیداد 10 کروڑ روپے کی ہے لیکن حقیقت میں مری میں موجود جائیدادیں 75 کروڑ روپے کی ہیں۔ کیا ان پیسوں کی رسیدیں موجود ہیں ؟
ارشد شریف نے اپنے پروگرام میں چند دستاویزات دکھاتے ہوئے کہا کہ 1994 ء میں وفاقی اینٹی کرپشن کمیٹی نے نواز شریف کو ایک خط لکھا تھا جس میں ان کی مری میں موجود جائیدادوں کے بارے میں انکوائری سے متعلق آگاہ کیا گیا تھا۔ وفاقی اینٹی کرپشن کمیٹی کے مطابق مذکورہ جائیداد کی زمین تحفہ دے کر ٹرانسفر کروائی گئی تھی۔ اس سے قبل یہ جائیداد مری امپروومنٹ ٹرسٹ کے کنٹرول میں تھی۔

موضوعات:جائیداد نواز شریف