اسلام آباد(مانیٹرنگ ڈیسک) پاکستان تحریک انصاف نے پارلیمنٹ کابائیکاٹ ختم کرنے کااعلا ن کردیاہے ۔پی ٹی آئی کے چیرمین عمران خان نے میڈیاسے گفتگوکرتے ہوئے کہاکہ 14دسمبرکوشروع ہونے والے قومی اسمبلی کے اجلاس میں شرکت کریں گے۔
انہوں نے کہاکہ پارلیمنٹ کے اجلاس میں کسی خاص مقصدکےلئے جارہے ہیں ۔عمران خان نے کہاکہ نوازشریف نے پارلیمنٹ میں پانامالیکس کے معاملے پرایوان میں جھوٹ بولاتھااوراس معاملے پرہم اجلاس میں دوتحریکیں پیش کررہے ہیں ۔ایک قراردادالتوااوردوسری تحریک استحقاق پیش کی جائے گی اورتحریک التواکے تحت پانامالیکس پرمکمل بحث کامطالبہ کیاجائے گا۔
