اسلام آباد(مانیٹرنگ ڈیسک) نجی ٹی وی چینل بول نیوز کے پروگرام میں گفتگو کرتے ہوئے سینئر تجزیہ نگار ڈاکٹر شاہد مسعود نے کہا ہے کہ پی آئی اے کو تباہ کیا جا رہا ہے اور اس کے طیاروں میں اب لوگ شہید ہونا شروع ہو گئے ہیں۔ ان تمام باتوں کی بنیاد پر پی آئی اے کے جہازوں کو گراؤنڈ کر دیا گیا ہے۔ اس کے بعد حکومت کا ایک اور مقصد بھی ہے کہ کچھ عرصہ بعد حکومت نے اس کی نجکاری بھی کرنی ہے۔ واقعات خود بخود ہوتے جا رہے ہیں۔ پی آئی اے کو حکومت نے برباد کر دیا ہے۔ جہاز گراؤنڈ کروا دیئے ہیں ، کچھ دن کے بعد حکومت پی آئی اے کے خسارے کا کہہ کر اسے بیچ دے گی ، یعنی اس کی نجکاری ہو جائے گی۔