اسلام آباد(مانیٹرنگ ڈیسک) نجی ٹی وی چینل اب تک نیوز کے پروگرام میں گفتگو کرتے ہوئے جنید جمشید کے قریبی دوست سہیل خان نے انکشاف کیا ہے کہ جو طیارہ حادثے کا شکار ہوا اس میں پرواز سے پہلے جنید جمشید کی اہلیہ نے یہ کہہ کر سوار ہونے سے انکار کر دیا تھا کہ اس میں سے کچھ عجیب و غریب آوازیں آرہی ہیں۔ سہیل خان نے کہا کہ جنید جمشید کی اہلیہ نے کہا کہ طیارے کے انجن کی آواز کچھ الگ سی ہے اس لئے ہم اس میں سوار نہیں ہوتے جس پر جنید جمشید نے جواب دیا کہ نہیں مجھے کام ہے اور میں نے جانا ہے۔ سہیل خان نے کہا کہ حادثہ سے قبل جنید جمشید خاموش رہنے لگ گئے تھے اور زیادہ ذکر موت کا بھی کرتے تھے۔