اسلام آباد(مانیٹرنگ ڈیسک) بھارت نے کئی دن کی خاموشی کے بعد لائن آف کنٹرول پر ایک بار پھر دھاوا بول دیا ہے۔ میڈیا رپورٹس کے مطابق بھارتی فوج نے آج پھر وادی نیلم میں مارٹر گولوں سے شیلنگ کی ہے جس کے بعد ایل او سی پر صورتحال کشیدہ ہو گئی ہے۔ شیلنگ میں کسی کے جاں بحق ہونے کی اطلاع سامنے نہیں آئی۔ بھارتی فوج کی شیلنگ کے جواب میں پاک فوج نے فوراََ بھرپور جوابی کارروائی کرتے ہوئے بھارتی فوج کو پسپا ہونے پر مجبور کر دیا۔ پاکستان نے بھارت کی ایک بار پھر دراندازی پر شدید احتجاج کیا ہے۔