اسلام آباد(مانیٹرنگ ڈیسک) وزیر اعظم نواز شریف کا ہیلی کاپٹر اچانک مری میں اتار لیا گیا۔ ایک نجی ٹی وی رپورٹ کے مطابق وزیر اعظم نواز شریف اسلام آباد سے مظفر آباد روانہ ہوئے تھے جہاں انہوں نے ترقیاتی پیکجز کا اعلان کرنا تھا۔ رپورٹ کے مطابق ہیلی کاپٹر نے مظفر آباد جانے کیلئے اڑان بھری تو اچانک موسم خراب ہو گیا جس کی بناء پر نواز شریف کے طیارے کو مری میں اتار لیا گیا ۔ ذرائع کے مطابق موسم بہتر ہونے کے بعد وزیر اعظم مظفر آباد کیلئے روانہ ہو جائیں گے اور اگر موسم ٹھیک نہ ہوا تو واپس اسلام آباد آ جائیں گے۔