اسلام آباد(مانیٹرنگ ڈیسک) ایک نجی ٹی وی پروگرام میں گفتگو کرتے ہوئے سینئر صحافی سمیع ابراہیم نے کہا ہے کہ آرمی چیف جنرل باجوہ وزیر اعظم سے ملنے کیلئے وزیر اعظم ہاؤس گئے۔
آرمی چیف جنرل باجوہ کووزیر اعظم ہاؤس کے اندر جانے کیلئے واک تھرو گیٹ سے گزارا گیاجبکہ آرمی چیف کے ساتھ موجود وزیر اعظم ہاؤس کا عملہ واک تھرو گیٹ سے نہیں گزرا بلکہ اس کے سائیڈ سے ہوتے ہوئے اندر داخل ہو گیا۔
سینئر صحافی سمیع ابراہیم نے کہا کہ میرا سوال یہ ہے کہ کیا وزیر اعظم نواز شریف وزیر اعظم ہاؤس میں داخلے کیلئے آرمی چیف جنرل باجوہ کو سیکورٹی رسک سمجھتے ہیں جو انہیں واک تھرو گیٹ سے گزارا گیا۔
وہ سپہ سالار جس نے پاکستان کی حفاظت کرنی ہے اسے واک تھرو گیٹ سے گزارا جا رہا ہے۔ سمیع ابراہیم کی بات کے جواب میں صحافی صابر شاکر نے کہا کہ نواز شریف کے ملٹری سیکرٹری اور دیگر عملہ واک تھرو گیٹ کی سائیڈ سے گزر کر اندر داخل ہو گیا لیکن آرمی چیف کو تلاشی کیلئے واک تھرو گیٹ سے گزارا گیا۔

Army Cheif Ko Walk Through Gate Se Guzaarne Per… by videocenter11