اسلام آباد (ایکسکلوژو رپورٹ) سپریم کورٹ آف پاکستان میں پانامہ لیکس معاملہ چل رہاہے اور فیصلہ کیا آئے اس کا انتظار ابھی سب کو ہے ۔ کبھی انصاف کا پلڑا عمران کی طرف جھکتا دکھائی دیتا ہے تو کبھی نوا زشریف بازی لیتے نظر آتے ہیں ۔ سپریم کورٹ آف پاکستان میں کبھی قطری شہزادے کا خط پہنچتا ہے تو کبھی لندن سے عمران کے شریف فیملی کے خلاف ثبوت نیا ہنگامہ کھڑ اکر دیتے ہیں ۔
اب ایک نجی ٹی وی چینل پر پاکستان تحریک انصاف کے ترجمان نعیم الحق نے اینکر پرسن کے پانامہ معاملے پر عدالت میں ثبوت پیش کرنے کے حوالےسے کہا کہ ہم اپنا کام بخوبی کر رہے ہیں اور 15دسمبر کے لگ بھگ نوا ز شریف معزول ہو جائیں گے اور پھر وزارت عظمیٰ کے جانشینوں میں جوممکنہ نام سامنے آرہے ہیں ان میں خرم دستگیر ، عبد القادر بلوچ ، شہباز شریف ، حمزہ شہباز شریف ، چوہدری نثار اور اسحاق ڈار کے نام شامل ہیں ۔

موضوعات:نواز شریف