کراچی (مانیٹرنگ ڈیسک)سابق آرمی چیف جنرل راحیل شریف کی ریٹائرمنٹ کیخلاف بھوک ہڑتال کرنیوالے لطیف شبلی چل بسے۔ایک نجی ٹی وی سے گفتگوکرتے ہوئے لطیف شبلی کے بیٹے نے دعوی کیاہے کہ ان کے والد نے خودکشی کی ہے۔ کراچی پریس کلب پر ایک ماہ سے سابق آرمی چیف جنرل راحیل شریف کی ریٹائرمنٹ کیخلاف بھوک ہڑتال کرنیوالے لطیف شبلی دنیا میں نہ رہے۔
ایک نجی ٹی وی سے گفتگوکرتے ہوئے لطیف شبلی کے بیٹے کا کہنا ہے کہ ان کے والد نے زہر کھا کر موت کو گلے لگایا ہے جبکہ ان کے انتقال کی وجہ ابھی تک واضح نہیں ہو سکی۔ واضح رہے کہ جنرل ریٹائرڈ راحیل شریف نے آرمی چیف کے عہدے کی مدت میں توسیع نہ لینے کا اعلان کیا تھا، 29 نومبر کو ایک پروقار تقریب میں انہوں نے فوج کی کمان نئے آرمی چیف قمر جاوید باجوہ کے حوالے کی۔
واضح رہے کہ انتقال کرنے والے شہری نے کچھ روز قبل نجی ٹی وی سے گفتگو کرتے ہوئے کہا تھا کہ وہ جنرل راحیل شریف سے والہانہ عقیدت رکھتے ہیں اور ان کی مدت ملازمت میں ہر صورت توسیع دیکھنا چاہتے ہیں۔ایک ماہ تک کراچی پریس کلب کے باہر دھرنا دینے والے لطیف شبلی نے نجی ٹی وے سے گفتگو کرتے ہوئے کہا تھا کہ اگر راحیل شریف کی مدت ملازمت میں توسیع نہ ہوئی تو میرا یہاں سے جنازہ اٹھے گا۔