پیر‬‮ ، 02 مارچ‬‮ 2026 

دہشتگردی کے خاتمے تک جنگ جاری رہے گی،آرمی چیف

datetime 30  ‬‮نومبر‬‮  2016 |

راولپنڈی (این این آئی)پاک فوج کے سربراہ جنرل قمر جاوید باجوہ نے واضح کیا ہے کہ پاکستانی سرزمین سے دہشتگردی کے خلاف جنگ کو منطقی انجام تک پہنچایا جائیگا ٗ اب تک حاصل ہونے والی کامیابیوں کو آگے لیکر جائینگے ٗکسی دہشتگرد کو واپس آنے کی کبھی اجازت نہیں دی جائیگی ٗ
آرمی چیف کی حیثیت سے ملک کو درپیش اندرونی و بیرونی خطرات کے خلاف ملک کا دفاع اور سکیورٹی ان کا اولین مطمع نظر رہے گا ٗعارضی بے گھر افراد کی واپسی مقررہ مدت میں مکمل کی جانی چاہیے ٗ با عزت انداز میں دوبارہ آباد ہونے کیلئے ان کی ہر طرح سے مدد کی جائے۔آئی ایس پی آر کے مطابق چیف آف آرمی سٹاف جنرل قمر جاوید باجوہ نے پاک فوج کی کمان سنبھالنے کے بعدکور ہیڈکوارٹرز پشاوراور شمالی وزیرستان ایجنسی کا دورہ کیا جو ان کا فیلڈ فارمیشنز کاپہلا دورہ تھا ۔چیف آف آرمی سٹاف کو کور ہیڈ کوارٹرز میں خیبر پختو نخوا ٗ فاٹا اورمالا کنڈ میں سکیورٹی کی موجودہ صورتحال ٗ سٹبلائزیشن اور کومنگ آپریشنز ٗ عارضی بے گھر افراد کی واپسی کے حوالے سے پیشرفت اور جاری ترقیاتی کاموں کے بارے میں تفصیلی بریفنگ دی گئی ۔بعد ازاں آرمی چیف نے شمالی وزیرستان کادورہ کیا جہاں انہیں ایجنسی میں سکیورٹی صورتحال ٗعارضی بے گھر افراد کی بحالی کے مرحلے کے بارے میں مقامی فارمیشن کمانڈر کی جانب سے بریفنگ دی گئی ۔
جنرل قمر جاوید باجوہ نے علاقے میں جاری تعمیراتی کام کا بھی معائنہ کیا ۔فوجیوں سے گفتگو کرتے ہوئے پاک فوج کے سربراہ نے کہاکہ دہشتگردی کے خلاف جنگ مرکوز طرز فکر کے ساتھ جاری رہے گی اور پاکستانی سرزمین سے دہشتگردی کا مکمل خاتمہ کر کے اسے منطقی انجام تک پہنچایا جائیگا ۔انہوں نے کہاکہ اب تک حاصل ہونے والی کامیابیوں کو آگے لیکر جائینگے ۔آرمی چیف نے بہادر قبائلیوں ٗ آرمی ٗ ایف سی ٗ لیویز اور پولیس کے افسروں اور جوانوں کو خراج تحسین پیش کرتے ہوئے اس عزم کا اظہار کیا کہ کسی دہشتگرد کو واپس آنے کی کبھی اجازت نہیں دی جائیگی ۔انہوں نے کہاکہ آرمی چیف کی حیثیت سے ملک کو درپیش اندرونی و بیرونی خطرات کے خلاف ملک کا دفاع اور سکیورٹی ان کا اولین مطمع نظر رہے گا ۔
چیف آف آرمی سٹاف نے موثر پاک افغان بارڈرمنیجمنٹ بڑھانے کیلئے ایف سی کے نئے ونگز کے قیام کے حوالے سے رفتار تیز کر نے کی ضرورت پر زور دیا ۔جنرل قمر جاوید باجوہ نے کہاکہ عارضی بے گھر افراد کی واپسی مقررہ مدت میں مکمل کی جانی چاہیے اور با عزت انداز میں دوبارہ آباد ہونے کیلئے ان کی ہر طرح سے مدد کی جائے ۔قبل ازیں پشاور آمد پر چیف آف آرمی سٹاف جنرل جاوید قمرباجوہ کا استقبال کور کمانڈر 11کور لیفٹیننٹ جنرل ہدایت الرحمن نے کیا جو شمالی وزیرستان کے دورے میں آرمی چیف کے ہمراہ رہے ۔جنگ جاری رہے گی اوردہشتگردی کاخاتمہ کرکے رہیں گے ۔

آج کی سب سے زیادہ پڑھی جانے والی خبریں


کالم



امانت خان شیرازی


بادشاہ اس وقت برہان پور میں تھا‘ مغل دور میں…

ہائوس آف شریف

جنرل غلام جیلانی نے جنرل ضیاء الحق کو آرمی چیف…

نواز شریف کی سیاست میں انٹری

لارنس گارڈن کے کرکٹ گرائونڈ میں میچ چل رہا تھا‘…

چوہے کھانا بند کریں

ہندوستان کا کوئی شہزادہ مہاتما بودھ کے پاس گیا…

رعونت پر بکھری ہوئی خاک

کراچی میں وسیم انصاری نام کا ایک چھوٹا سا سٹیج…

وہ واقعہ جو کتاب میں نہیں

1999ء میں دو وزیراعظم ہانگ کانگ میں ایک ہی ہوٹل…

بخاریؒ کو امام بنانے والے لوگ

نویں صدی کا شہر بخاراتھا اور اس شہر میں ایک سادہ…

شوگر کے مریضوں کے لیے

گرو زاہد سے میرا رابطہ ایک ویڈیو کلپ سے ہوا تھا‘…

بسنت کے معاملے میں

یہ آج سے پندرہ برس پرانی بات ہے‘ میں اپنے بچوں…

بٹرفلائی افیکٹ

وہ دکان کے سامنے پریشان کھڑی تھی‘ اس کے بال الجھے…

آئل اینڈ سپیس وار

مجھے ایران میں مظاہروں کی پہلی اطلاع 31دسمبر 2025ء…