راولپنڈی(آن لائن)نئے آرمی چیف جنرل قمرجاوید باجوہ کی تقرری کا اعلان ہوتے ہی استقبال کی تیاریاں عروج پر پہنچ گئیں ۔ کمان کی تبدیلی کی تقریب( منگل کی صبح) جی ایچ کیو سے ملحقہ ہاکی گراؤنڈ میں ہوگی۔ سبکدوش ہونے والے سپہ سالار جنرل راحیل شریف نئے آرمی چیف کو روایتی چھڑی پیش کریں گے۔تفصیلات کے مطابق نئے سپہ سالار جنرل قمر جاوید باجوہ کا اعلان ہوتے ہی چینج آف کمانڈ کی تقریب کی تیاریاں بھی عروج پر پہنچ گئیں۔ کمان کی تبدیلی کی پروقار تقریب جی ایچ کیو سے ملحقہ ہاکی گراؤنڈ میں ہوگی۔
تقریب کے دوران سبکدوش ہونے والے آرمی چیف جنرل راحیل شریف نئے آرمی چیف جنرل قمر جاوید باجوہ کو روایتی چھڑی پیش کریں گے۔ اس کے بعدملک کے 16 ویں آرمی چیف جنرل قمر جاوید باجوہ فرمان امروز جاری کرینگے جبکہ سبکدوش ہونے والے آرمی چیف کو گارڈ آف آنر پیش کیا جائے گا اور وہ یادگار شہدا پر بھی حاضری دیں گے۔ تقریب میں سابق فوجی سربراہوں کے ساتھ ساتھ وفاقی وزرائ￿ سمیت اہم شخصیات کو مدعو کیا جائے گا ۔