اسلام آباد(مانیٹرنگ ڈیسک) آرمی چیف جنرل راحیل شریف کے گھر جانے سے پاکستان تحریک انصاف اور مسلم لیگ (ن) دونوں ہی انتہائی خوش ہیں کیونکہ یہ دونوں جماعتیں سمجھتی ہیں راحیل شریف کا ریٹائرڈ ہو جانا ان کے حق میں بہتر ہے، ان خیالات کا اظہار سینئر صحافی عامر متین نے ایک نجی ٹی وی کے پروگرام میں گفتگو کرتے ہوئے کیا۔ عامر متین نے کہا (ن) لیگ راحیل شریف کے جانے پر اسلئے خوش ہے کہ فوج اور حکومت کا کوئی تنازعہ پیدا نہیں ہوا۔ جبکہ پاکستان تحریک انصاف کی خوشی کی وجہ یہ ہے کہ پانامہ لیکس کے پیچھے فوج کے کردار کا کہا جا رہا تھا ، اب یہ خیال دم توڑ جائے گا۔ عامر متین نے کہا کہ تحریک انصاف اس بات پر خوش ہو رہی ہے کہ اب پانامہ لیکس کیس میں فوج کے کردار کے بارے میں نہیں کہا جائے گا۔