کراچی(آن لائن)’’تمام تیاریاں مکمل ‘‘وزیراعظم کل کہاں جارہے ہیں اور کس سے ملاقات کریں ؟ وزیراعظم محمد نواز شریف (آج)منگل کوایک روزہ دورے پر کراچی پہنچیں گے۔ تفصیلات کے مطابق وزیراعظم کراچی ایکسپو سینٹر میں پاکستان کی سب سے بڑی دفاعی نمائش آئیڈیاز 2016 کی افتتاحی تقریب میں بطور مہمان خصوصی شرکت کریں گے۔ ذرائع کے مطابق وزیراعظم گورنر سندھ جسٹس (ر)سعید الزمان صدیقی کی عیادت بھی کریں گے۔ ذرائع کے مطابق وزیراعظم کی صدارت میں گورنر ہاؤس میں امن وامان کی صورت حال پر اعلی سطح کا اجلاس بھی متوقع ہے۔ واضح رہے کہ گورنر سندھ (ر )سعید الزمان صدیقی کی طبیعت خراب ہونے کی وجہ سے ہسپتال میں زیر علاج ہیں ۔ جبکہ اس سے قبل انہوں نے گورنر سندھ کا عہدہ سنبھالنے کے بعد ان کی اچانک طبیعت خراب ہو گئی تھی جس کی باعث وہ مزار قائد پر حاضری بھی دے سکے ۔ تاہم ابھی ان کی طبیعت پہلے سے کافی بہتر ہے ۔