لاہور( این این آئی)پاکستان پیپلز پارٹی کے چیئرمین بلاول بھٹو زرداری نے کہا ہے کہ ہمارے احتساب بل کی منظوری کے بغیر عدالتیں شریف برادران کا احتساب نہیں کر سکتیں ،حکومت سے چارمطالبات منوانے کے لئے
سب ہمارا ساتھ دیں۔سماجی رابطے کی ویب سائٹ پر اپنے بیان میں بلاول بھٹوزرداری نے کہا کہ جب تک پانامہ لیکس پر ہمارا قانونی بل پارلیمنٹ منظور نہیں کرتی اس وقت تک کسی کارروائی کا فائدہ نہیں ہوگا، اس بل کی منظوری کے بغیر عدالتیں شریف برادران کا احتساب کرنے کے قابل نہیں ہو سکتیں اس لئے حکومت سے چار مطالبات منوانے کے لئے سب ہمارا ساتھ دیں۔
