اسلام آباد(مانیٹرنگ ڈیسک صدر مملکت ممنون حسین کا اے ایف آئی سی میں معمول کا طبی معائنہ ہوا،ترجمان ایوان صدر کے مطابق صدر ممنون حسین کے تمام متعلقہ ٹیسٹ درست پائے گئے۔ترجمان ایوان صدر کے مطابق صدر مملکت ممنون حسین کا اے ایف آئی سی میں معمول کا طبی معائنہ ہوا،صدر ممنون حسین کی تمام میڈیکل رپورٹس ٹھیک ہیں،صدر مملکت کو ہیلی کاپٹر کے ذریعے عسکری ادارہ برائے امراض قلب میں پہنچایا گیا تھا ۔جہاں معمول کے تمام متعلقہ ٹیسٹ کروانے کے بعد انہیں ایوان صدر پہنچادیا گیا
واضح رہے کہ اس سے قبل صدر مملکت ممنون حسین کی طبیعت ناساز ہو گئی تھی جس پر انہیں طبی معائنے کیلئے ہسپتال منتقل کر دیا گیا تھا۔ صدر مملکت کے طبی معائنے کیلئے بہترین ڈاکٹرز کی خدمات حاصل کی گئیں تھیں جنہوں نے ان کا مکمل معائنہ کیا تھا ۔ ڈاکٹرز کے مطابق صدر مملکت کی تمام رپورٹس ٹھیک ہیں اور ان کی حالت کافی سنبھل چکی ہے اس لئے جلد ہی انہیں واپس روانہ کر دیا جائے گا۔ عوام سے دعائوں کی بھی اپیل کی گئی ہے ۔