لاہور ( این این آئی) ترک صدر رجب طیب ارگان کا دورہ، 35کمشنرز کی خدمات پنجاب حکومت کے سپرد کر دی گئیں ، افسران و کمشنرز رجب طیب اردگان کے استقبال کے لئے شیر وانی زیب تن کریں گے ، مال روڈ کو بھی برقی قمقوں سے سجا دیا گیا ۔تفصیلات کے مطابق ترک صدر رجب طیب اردگان دو روزہ دورے پر پاکستان پہنچ گئے ہیں اور آج ( جمعرات ) کو لاہور پہنچیں گے ۔
ان کے پروٹوکول کے لئے 35کمشنر کی خدمات پنجاب حکومت کی سپرد کی گئی ہیں جو کمشنر پنجاب کو رپورٹ کریں گے ۔ ترک صدر کے استقبال کے لئے تمام افسران و کمشنرز شیر وانی زیب تن کریں گے ۔اس کے علاوہ ترک صدر کی آمد کے سلسلہ میں مال روڈ کو بھی برقی قمقوں سے سجا دیا گیا ہے اور ترک صدر کی تصاویر والے بینرز بھی آویزاں کیے گئے ہیں ۔
