اسلام آباد (این این آئی) نواز شریف کرپشن بچانے کیلئے خون خرابے پر اتر چکا ہے،وزیر اعظم کا اپنی چوری بچانے کی خاطر وفاق کو یرغمال بنانا انتہائی افسوسناک ہے ۔ یہ بات پاکستان تحریک انصاف کے چیئرمین عمران خان نے اپنے ایک بیا ن میں کہی۔ ان کا کہنا تھا کہ پختونخوا کو بقیہ پاکستان سے کاٹنے کا شرمناک منصوبہ پایہ تکمیل کو نہیں پہنچنے دیں گے ۔
خیبر پختونخوا کے بغیر پاکستان کی تکمیل کا کوئی تصور نہیں۔ ان کا یہ بھی کہنا تھا نواز شریف کو ارض پاک کی سا لمیت سے کھیلنے نہیں دیں گے اور پختونخوا کو بقیہ پاکستان سے جوڑے رکھیں گے۔انہوں نے واضح کیا کہ کسی قسم کے نقصان اور تصادم کے براہ راست ذمہ دار نواز شریف ہوں گے ۔پرامن احتجاج کو تشدد میں بدلنے کیلئے عدالتوں کے احکامات ہوا میں اڑائے جا رہے ہیں ۔انہوں نے کہا کہ نواز شریف سے تلاشی مانگنا ہمارا بنیادی حق ہے اورکسی طوراس حق سے دستبردار نہیں ہوں گے ۔
