اسلام آباد(این این آئی) وزیراعلیٰ خیبرپختونخوا پرویز خٹک سخت سوال پر نجی ٹی وی کے اینکر پرسن برس پڑے نجی ٹی وی کے مطابق اینکر نے جب وزیراعلیٰ خبرپختونخوا پرویز خٹک سے سوال کیا کہ آپ اس دھرنے پر خیبرپختونخوا کے سرکاری وسائل کا استعمال تو نہیں کریں گے تو اس پر وزیراعلیٰ آپے سے باہر ہوگئے اور
اینکر پر بھونڈے الزامات کی بوچھاڑ کرتے ہوئے کہا کہ ”اگر آپ حکومت کے ترجمان بن کر بات کرتے ہیں تو اپنا کام کرو میں کسی کی پرواہ نہیں کرتا“۔اینکر کی جانب سے براہ راست نشریات میں غیر اخلاقی زبان استعمال کرنے سے منع کرنے پر پرویز خٹک نے اینکر کو وزیرداخلہ چوہدری نثار کا نمائندہ قرار دیتے ہوئے کہا کہ آپ ان کے نمائندہ ہیں اور آپ بھی نوٹ اور لفافے لیتے رہتے ہیں۔ اینکر کی باربار یاددہانی کے باوجود وزیراعلیٰ نے اپنا لہجہ تبدیل نہ کیا اور تہذیب سے ہٹ کر گفتگو کرتے رہے۔