اسلام آباد(ایکسکلوژو رپورٹ) نجی ٹی وی رپورٹ کے مطابق پاکستان تحریک انصاف کے سربراہ عمران خان اپنی رہائش گاہ سے باہر نکل آئے اور کارکنوں کا خون گرماتے رہے اور انہیں جوش دلاتے رہے۔ نجی ٹی وی رپورٹ کے مطابق عمران خان بنی گالہ میں اپنی رہائش گاہ سے باہر آکر کارکنوں کے ساتھ پش اپس کے مقابلے کرتے رہے۔ نجی ٹی وی رپورٹ کے مطابق عمران خان نے کارکنوں کو جوش دلانے کیلئے پش اپس کا چیلنج کیا تو عمران خان کے علاوہ کوئی مرکزی رہنماء پش اپس کیلئے رضا مند نہ ہو سکا اور عمران خان اکیلے گلوکار سلمان احمد کے ہمراہ پش اپس لگاتے رہے۔ جبکہ جہانگیر ترین، شاہ محمود قریشی اور دیگر مرکزی رہنماء فٹنس نہ ہونے کے باعث پش اپس لگانے سے کتراتے رہے۔ نجی ٹی وی رپورٹ کے مطابق عمران خان نے کارکنوں کے ہمراہ لگاتار کئی پش اپس لگا کر بہترین فٹنس کا عملی مظاہرہ کیا اور حکمران جماعت کو نفسیاتی طور پر ایک پیغام دیتے رہے۔