اسلام آباد (مانیٹرنگ ڈیسک) سیاسی گہما گہمی عروج پر ہے اور حالات کشیدہ سے کشیدہ تر ہوتے جا رہے ہیں ۔ پاکستان تحریک انصاف بمقابلہ پاکستان مسلم لیگ(ن) کے مابین میدان سج چکے ہیں اور ہنگامی صورتحال سے نمٹنے کیلئے پولیس کی اضافی نفری وفاقی دارلحکومت میں پہنچ چکی ہے ۔ ابھی تازہ ترین میڈیا رپورٹس کےمطابھق ڈپٹی کمشنر پولیس نے آئی جی پولیس کو ہدایت کر دی ہے کہ عمران خان کو ہر صورت راولپنڈی جانے سے روکا جائے۔ تفصیلات کے مطابق آئی جی اسلام آباد کو عمران خان کو روکنے کی ہدایت ڈی سی او راولپنڈی کے خط کے بعد دی گئی ہے۔ اس ہدایت کے پیش نظر مری روڈ سے بنی گالہ جانے والا راستہ بند کر دیا گیا ہے جبکہ اس راستے پر پولیس اور ایف سی کی بھاری نفری بھی تعینات کر دی گئی ہے۔پی ٹی آئی رہنما مراد سعید اور عاقب اللہ کو بنی گالہ جانے سے بھی روک دیا گیا ہے۔ دوسری جانب مری روڈ چاندنی چوک سے بند کردی گئی ہے ، ذرائع کے مطابق چاندنی چوک فلائی اوور کو ہر قسم کی ٹریفک کےلیےبند کر دیا گیا ہے جبکہ پولیس کی بھاری نفری مری روڈاوراطراف میں پہنچ گئی۔