اسلام آباد(ایکسکلوژو رپورٹ) نجی ٹی وی رپورٹ کے مطابق پاکستان تحریک انصاف کے سربراہ عمران خان نے آج راولپنڈی میں شیخ رشید کے جلسے سے خطاب کرنا ہے اور انہوں نے اس سلسلے میں 3 گھنٹے میں راولپنڈی پہنچنے کا الٹی میٹم دیا ہے۔ دوسری جانب وفاقی حکومت کے واضح احکامات ہیں کہ عمران خان کو ہر صورت وہاں سے نکلنے نہ دیا جائے اور اس ضمن میں بنی گالہ ایف سی اہلکاروں کے ساتھ ساتھ 5 تھانوں کی نفری بھی پہنچ گئی ہے۔ نجی ٹی وی رپورٹ کے مطابق لال حویلی میں شیخ رشید کے ساتھ عمران خان نے وارم اپ جلسہ کرنا ہے لیکن لال حویلی کو سیل کر دیا گیا ہے۔ وفاقی حکومت کے جانب سے پاکستان تحریک انصاف کے سرگرم کارکنان اور مقامی رہنماؤں کی گرفتاریوں کا سلسلہ بدستور جاری ہے اور انہیں گرفتار کرکے نا معلوم مقام پر منتقل کر دیا گیا ہے۔ نجی ٹی وی کے مطابق لال حویلی کے باہر بڑی تعداد میں کنٹینرز لگا کر تمام راستے سیل کر دیئے گئے۔