راولپنڈی(آئی این پی)بھارت کی طرف سے ایل اوسی اور ورکنگ باﺅنڈری پر جارحیت اور اشتعال انگیزی کا سلسلہ جاری ، بھارتی فوج کی ہاٹ سپرنگ جندروٹ ،نکیال اور شکر گڑھ سیکٹر پر بلااشتعال فائرنگ سے ایک پاکستانی خاتون شہید اور7 شہری زخمی ہوگئے ، پاک فوج کی طرف سے منہ توڑ جوابی کاروائی کے نتیجے میں بھارت کے بھاری جانی نقصانات کی اطلاعات ،کئی چوکیاں تباہ ہوگئیں ۔جمعرات کو پاک فوج کے شعبہ تعلقات عامہ(آئی ایس پی آر) کے مطابق بھارت کی طرف سے جمعرات کی شام سے لیکر رات گئے تک ایل او سی اور ورکنگ باﺅنڈری پر سیز فائر معاہدے کی مسلسل خلاف ورزی کی گئی ۔جندروٹ ،نکیال اور شکر گڑھ سیکٹر پر بھارت کی طرف سے بلااشتعال فائرنگ سے ایک پاکستانی خاتون شہید جبکہسات شہری زخمی ہوگئے ۔آئی ایس پی آر کے مطابق پاک فوج کی طرف سے بھارتی فورسز کی بلااشتعال فائرنگ کا منہ توڑجواب دیا گیا ہے جس کے نتیجے میں بھارت کے بھاری جانی نقصان کی اطلاعات ہیں ، پاک فوج کی کاروائی سے کئی بھارتی چوکیوں سے شعلے اٹھ رہے ہیں