اسلام آباد(ایکسکلوژو رپورٹ)نجی ٹی وی رپورٹ کے مطابق کوئٹہ سانحے میں جانوں کا نذرانہ پیش کرنے والے اہلکاروں کے جسد خاکی کو پرائیویٹ گاڑیوں کی چھتوں پر لاد کر لے جایا گیا۔تفصیل کے مطابق ملک کی خاطر جانیں دینے والوں کے لیے ایمبولینس بھی دستیاب نہیں۔تفصیلات کیمطابق کوئٹہ کے پولیس ٹریننگ کالج میں شہید ہونے والے پولیس اہلکاروں کے جسد خاکی کو ان کے آبائی علاقوں میں پہنچانے کیلئے ایمبولینس بھی دستیاب نہیں ہیں۔اس سے بڑھ کر اور کیا ستم ظریفی ہوسکتی ہے کہ ملک کی خاطر جان قربان کرنیوالوں کے جسد خاکی کو ان کے آبائی علاقوں پہنچانے کیلئے لوکل بسوں اور ویگنوں کی چھتوں پر باندھ کر لے جایا گیا ہے۔

دوسری جانب ابھی تک اس سوال کا جواب نہیں مل سکا کہ ٹریننگ سے فارغ ہونے والے پولیس اہلکاروں کو واپس کیوں بلایا گیا؟ زندہ بچ جانے والے پولیس اہلکاروں نے بھانڈہ پھوڑ دیا۔ تفصیل کے مطابق نجی ٹی وی رپورٹ کے مطابق کیڈٹس نے اپنی پاسنگ آؤٹ پریڈ مکمل کر لی تھی۔ اہلکاروں کو یہ کہہ کر بلایا گیا کہ واپس آ جاؤ ٹریننگ وغیرہ کچھ نہیں، کھاؤ پیؤ اور آرام کرو۔ نجی ٹی وی رپورٹ کے مطابق ایک اہلکار نے یہ بتایا کہ ہمیں کہا گیا کہ اگر تم نہ آئے تو تمہیں نوکریوں سے نکال دیا جائے گا۔ نجی ٹی وی رپورٹ کے مطابق واپس بلائے جانے والے اہلکار 18 اکتوبر سے ٹریننگ سینٹر میں موجود تھے۔ نجی ٹی وی رپورٹ میں کہا گیا کہ حکام کے مطابق ان اہلکاروں کو اسلام آباد میں دھرنے کی سیکورٹی کیلئے بھی بھیجا جانا تھا۔ اور انہیں اسلام آباد میں 2 نومبر کو ہونے والے دھرنے کیلئے ہی طلب کیا گیا تھا۔