اسلام آباد (مانیٹرنگ ڈیسک)گزشتہ ایک ماہ سے زائد عرصے میں بھارت کئی بار لائن آف کنٹرول کی خلاف ورزی کر چکا ہے جس کے نتیجے میں پاک فوج کے جوانوں سمیت کئی معصوم شہری بھی جاں بحق ہو چکے ہیں ، گو کہ پاکستان بڑے صبر و تحمل کا مظاہرہ کرتے ہوئے بے پناہ طاقت کے باوجود بھی کئی بار در گزر کر چکا ہے تاہم بھارت کی دست درازیاں آئے روز بڑھتی جا رہی ہیں ۔ میڈیا رپورٹس کے مطابق ایک امریکی روزنامے نے کہا ہے کہ بھارتی وزیراعظم نریندرمودی کی جانب سے پاکستان کو دھمکیوں سے جنوبی ایشیا میں ایٹمی جنگ کے خطرات بڑھ گئے ہیں۔امریکی روزنامے نیو یارک ٹائمز نے رپورٹ میں کہاگیا ہے کہ مودی کی جانب سے بھارت کے اندر اورمقبوضہ کشمیر میں عسکریت پسندوں کے حملوں کے جواب میں بھارتی وزیراعظم کے ردعمل سے قوم پرستی کے جذبات، ذرائع ابلاغ میںاشتعال انگیزی میں اضافہ ہوا ہے جس سے بھارت کے پاکستان کے ساتھ جنگ کا خطرہ پیدا ہوگیا ہے۔رپورٹ میں کہا گیا ہے کہ اگرچہ پاکستان جنگ نہیں چاہتا تاہم بھارت کے حملہ کرنے پر اس میں دفاع کی ناقابل تسخیر قوت موجود ہے ۔

موضوعات:پاک بھارت ایٹمی جنگ