راولپنڈی(مانیٹرنگ ڈیسک)چیف آف آرمی سٹاف جنرل راحیل شریف نے پیرکے روزآرمی لیورٹرانسپلانٹ یونٹ کا دورہ کیااورآرمی چیف جنرل راحیل شریف کواس موقع پر جدید ترین سہولتوں سے آراستہ ادارے سے متعلق بریفنگ دی گئی۔آئی ایس پی آر کے مطابق راولپنڈی میں آرمی لیورٹرانسپلانٹ یونٹ کے دورے کے دوران آرمی چیف جنرل راحیل شریف نے یونٹ میں زیرعلاج مریضوں کی عیادت بھی کی اوران کی خیریت بھی دریافت کی ۔اس موقع پرجنرل راحیل شریف نے ادارے کے ڈاکٹروں کی کوششوں اورجذبے کی تعریف کرتے ہوئے ڈاکٹرزا ور پیرامیڈیکل سٹاف کی صلاحیتوں کو سراہااورآرمی لیورٹرانسپلانٹ یونٹ کے مختلف سیکشنز کا بھی دورہ کیا۔آئی ایس پی آر کے مطابق آرمی لیورٹرانسپلانٹ یونٹ فوج کا پہلا جبکہ ملک تیسرایونٹ ہے،آرمی لیورٹرانسپلانٹ یونٹ پہلا ادارہ ہے جس نے یہ پروگرام متعارف کرایاہے ۔

موضوعات:آئی ایس پی آر آرمی لیورٹرانسپلانٹ یونٹ جنرل راحیل شریف