اسلام آباد (مانیٹرنگ ڈیسک) اسپین کے سفارتکار نے خود کو گولی مار کر خودکشی کر لی ، قونصلر اتاشی ایف سیون ٹو میں رہائش پذیر تھا۔ذرائع کے مطابق خود کشی کرنے والا جینز اسپین کے سفارت خانے میں قونصلر اتاشی تعینات تھا اس کی لاش ایف سیون ٹو کی رہائش گاہ سے ملی ہے۔سیکورٹی ذرائع کے مطابق اسپینیش سفارت کار چونتیس برس سے پاکستان میں فرائض سرانجام دے رہا تھا۔ جینز نے دو شادیاں کیں اور دونوں بیویاں اسے چھوڑ کر چلی گئیں۔ جینز طویل عرصے سے سانس کی بیماری میں مبتلا تھے اور وہ ایف سیون ٹو میں اکیلا رہتا تھا۔ پولیس نے اسپینیش سفارت کار جینز کی لاش پوسٹ مارٹم کے لیے پمز ہسپتال منتقل کر دی ہے۔ پولیس ذرائع کا کہنا ہے کہ اسپینش سفارتکار کی لاش کے قریب سے 38 بور کا پستول بھی برآمد ہوا اور ابتدائی طور پر واقعہ خود کشی معلوم ہوتا ہے تاہم واقعہ کا ہر پہلو سے جائزہ لے رہے ہیں، اس بات کو بھی یکسر نظر انداز نہیں کیا جا سکتا کہ یہ قاتلانہ کارروائی نہیں ہے۔ پولیس حکام کا کہنا ہے کہ اسپین کے سفارتخانے کو بھی واقعہ سے آگاہ کر دیا گیا ہے۔
واضح رہے کہ اسلام آباد میں اسپین کے سفارت کار جان جینر نے مبینہ طور پر خود کشی کر لی ہے ۔ تفصیلات کے مطابق سفارت کار ایف سیون ٹو میں اپنے گھر میں مردہ پائے گئے ہیں۔ پولیس کا کہنا ہے اسپین کے سفارت کار 34 سال سے پاکستان میں مقیم تھے۔لاش کے پاس سے 38 بور کا پسٹل ملا ہے۔ سفارت کار کے ملازم کی اطلاع پرپولیس موقع پر پہنچی۔ جائے وقوعہ سے شواہد اکٹھے کر لیے گئے ہیں جبکہ لاش کو پوسٹ مارٹم کیلئے اسپتال منتقل کردیا گیا۔