لاہور(مانیٹرنگ ڈیسک)پاکستان کا بڑا نقصان ہو گیا۔ تفصیل کے مطابق پاکستان کا لڑاکا طیارہ JF-17 تھنڈر گر کر تباہ ہو گیا۔ نجی ٹی وی کے مطابق پاکستان کا ایک جے ایف تھنڈر طیارہ 27 ستمبر کو بحیرہ عرب میں گر کر تباہ ہو گیا۔ طیارے نے کراچی کے قریب ایئربیس سے پرواز لی تھی۔ پائلٹ نے فنی مہارت کا مظاہرہ کرتے ہوئے طیارے سے چھلانگ لگا دی اور محفوظ رہا۔ نجی ٹی وی کے سینئر صحافی نے بتایا ہے کہ طیارہ معمول کی مشقوں کے دوران بحیرہ عرب میں گر گیاتھا اور تباہ ہو گیا تھا۔نجی ٹی وی کے سینئر صحافی کے مطابق اس حوالے سے ایک کمیشن بنا دیا گیا ہے جو اس کی تحقیقات کرے گا اور حادثے کی وجوہات کو ایئر فورس کے ریکارڈ میں رکھا جائے گا۔واضح رہے کہ گزشتہ کچھ عرصے سے پاک فضائیہ کے تین سے زائد طیارے تباہ ہو چکے ہیں۔

موضوعات:پاکستانی طیارہ تباہ