اسلام آباد(این این آئی)پاکستان نے افغان حکومت اورحزب اسلامی کے درمیان ہونیوالے معاہدے کاخیرمقدم کرتے ہوئے کہاہے کہ امن اورخوشحالی افغان عوام کاحق ہے،پاکستان افغانوں کی قیادت میں ہونیوالی امن کی تمام کوششوں کی حمایت کرتاہے۔اتوارکوجاری بیان میں دفترخارجہ کے ترجمان نے کہاکہ پاکستان حال ہی میں افغان حکومت اورحزب اسلامی کے درمیان ہونیوالے معاہدے کاخیرمقدم کرتا ہے۔انہوں نے کہاکہ پاکستان افغانستان میں امن کاخواہاں ہے اور ہم اس حوالے سے افغانوں کی قیادت میں ہونیوالی امن کی تمام کوششوں کی حمایت کرتے ہیں۔ترجمان نے کہاکہ افغانستان کے عوام کوامن اورخوشحالی کاحق ہے پاکستان افغانستان میں امن اوراستحکام کیلئے پرعزم ہے اور یہ پورے خطے بالخصوص پاکستان کے مفاد میں ہے۔

موضوعات:پاکستان حکمت یار