اسلام آباد(مانیٹرنگ ڈیسک) پشاور میں تخریب کاری کا بڑا منصوبہ ناکام بنا دیاگیا۔ تفصیلات کے مطابق پشاور میں ایک سرکاری سکول کے باہر نصب کیا گیا بم سیکیورٹی اہلکاروں نے ناکارہ بنا دیا ۔بم کی اطلاع ملتے ہی سیکورٹی اداروں اور پولیس کی بھاری نفری جائے وقوعہ پر پہنچ گئی اور علاقے کو گھیرے میں لے کر سرچ آپریشن شروع کر دیا ۔
واضح رہے کہ ناکارہ بنایا جانے والا بم سرکاری سکول کے داخلی راستے پر رکھا گیا تھا جو سکول کھلتے ہی کسی بڑے حادثے کا پیش خیمہ ثابت ہو سکتا تھا جبکہ چند روز قبل پشاور کا مسروف ترین مفتی محمود فلائی اوور تباہ کرنے کا منصوبہ ناکام بنایا جا چکا ہے ۔