واشنگٹن (مانیٹرنگ ڈیسک)پاک بھارت کی کشیدہ صورتحال پر امریکہ کا موقف بھی سامنے آگیا ہے ۔ وائٹ ہائوس کے ترجمان جوش ارنسٹ نے کہا ہے کہ پاکستان اور بھارت کو چاہیے کہ وہ اپنے کشیدہ ہونے والی حالات کو ہوا نہ دیں اور ان مل بیٹھ کر مذاکرات سے حل کریں ، دنیا بھرمیں کہیں بھی دہشت گردی کی مذمت کرتے ہیں ۔تفصیلات کے مطابق جوش ارنسٹ نے پریس کانفرنس کرتے ہوئے کہا کہ مذاکرات سے خطے میں امن اور استحکام آئے گا ۔ پاک بھارت اختلافات کا حل تشدد نہیں بلکہ بات چیت میں ہے ۔ انہوں نے کہا کہ گزشتہ چند سالوں کے دوران اس سلسلے میں اہم پیش رفت ہوئی ہے ۔
امید ہے کہ دونوں ممالک ایسی پیش رفت جاری رکھیں گے جس سے خطے میں استحکام آئے ۔
انہوں نے مزید کہا ہے کہ اڑی حملے کی براہ راست مذمت سےگریز کیا اور کہا کہ دنیا بھر میں جہاں بھی دہشت گردی ہو اس کی مذمت کرتے ہیں ۔ ایک سوال کے جواب میں جوش آرنسٹ کا کہنا تھا کہ حال میں اسلام آباد یا نئی دہلی سے کوئی رابطہ نہیں ہوا ۔ تاہم اس بارے میں محکمہ خارجہ سے پوچھا جائے ۔