اسلام آباد(مانیٹرنگ ڈیسک) پاکستانی دفتر خارجہ نے وزیراعظم نواز شریف کے دورہ امریکا اور اقوام متحدہ میں مصروفیات کی تفصیلات جاری کر دیں، وزیراعظم نوازشریف اکیس ستمبر کو اقوام متحدہ کی جنرل اسمبلی سے خطاب کرینگےدفتر خارجہ سے جاری بیان کے مطابق وزیراعظم نواز شریف ہفتہ سترہ ستمبر کو امریکا روانہ ہونگے، 21ستمبر کو اقوام متحدہ کی جنرل اسمبلی کے اجلاس میں پالیسی بیان دیں گے، جب کہ چھبیس ستمبر کو وطن واپس آئیں گے۔ترجمان کا کہنا ہے کہ وزیراعظم اقوام متحدہ کی جنرل اسمبلی کے اکہترویں اجلاس میں مقبوضہ کشمیر میں انسانی حقوق کی خلاف ورزیوں پربین الاقوامی توجہ مبذول کرائیں گے۔نواز شریف بین الاقوامی برادری کو مقبوضہ کشمیر کے حق خود اختیاری دلانے کا وعدہ یاد دلائیں گے، دورے کے دوران وزیر اعظم صدر اوباما کی طرف سے بلائے گئے مہاجرین سے متعلق سربراہ اجلاس میں شرکت کے علاوہ عالمی رہنماؤں سے بھی ملاقاتیں کریں گے۔