اسلام آباد(مانیٹرنگ ڈیسک) پاک فوج کے سپہ سالار جنرل راحیل شریف نے بھارت کو منہ توڑ جواب کیا دیا ۔ بھارتی سورماؤں کی نیندیں ہی حرام ہو گئیں۔ تفصیل کے مطابق بھارتی میڈیا پاکستانی جرنیل و سپہ سالار فوج جنرل راحیل شریف کی یوم دفاع پر تقریر سے بری طرح بوکھلا گیا ہے۔ بھارتی میڈیا رپورٹ میں دعویٰ کیا گیا ہے کہ نریندر مودی رواں سال ماہ نومبر میں پاکستان کا دورہ کریں گے اور نواز شریف سے سخت انداز میں دوٹوک بات کریں گے۔ بھارتی میڈیا نے دعویٰ کیا کہ مودی چہرے پر مسکراہٹ ضرور لے کر جائیں گے مگر اس بار پاکستان سے فائنل حساب کتاب ہوگا۔ بھارتی ٹی وی ژی نیوز کی رپورٹ میں کہا گیا کہ پاکستان نے نریندر مودی کی دوستی تو دیکھ لی ہے لیکن اب وہ حساب کتاب دینے کیلئے تیار ہو جائے۔ ژی نیوز کی رپورٹ میں کہا گیا کہ پاکستان مسلسل بھارت پر وار کئے جا رہا ہے۔ نومبر میں نریندر مودی سارک سمٹ میں حصہ لینے پاکستان آئیں گے تو پاکستان سے سخت انداز میں دو ٹوک بات کریں گے۔ ژی نیوز رپورٹ میں کہا گیا کہ بھارتی وزیر اعظم نریندر مودی نے جی 20 میٹنگ میں چین پر واضح کیا ہے کہ پاکستان دہشتگرد ہے اور دہشتگرد ہی رہے گا۔