اسلام آباد (مانیٹرنگ ڈیسک)ایئر چیف مارشل سہیل امان نے کہا ہے کہ پاک فضائیہ اندرونی و بیرونی خطرات سے نمٹنے کے لیے تیار ہے، شہداکی قربانیوں کو ہمیشہ یاد رکھا جائے گا۔چھ ستمبر کی مناسبت سے کراچی کے پی اے ایف میوزیم میں پاکستان ایئر فورس کی جانب سے تقریب کا انعقاد کیا گیا، تقریب میں ایئر فورس کے دستوں نے پریڈ بھی کی، تقریب میں ایئر چیف مارشل سہیل امان نے یادگار شہداء کا افتتاح کیا۔اس موقع پر ایئر چیف کا کہنا تھا کہ ملک کو سیکورٹی چیلنجز کا سامنا ہے لیکن پاک فضائیہ اندرونی اور بیرونی خطرات سے نمٹنے کے لیے تیار ہے، پاکستان ایئر فورس پرچم ہمیشہ بلند رکھے گی۔