اسلام آباد (مانیٹرنگ ڈیسک)وزیراعظم نواز شریف نے ترکی میں ہونے والے دھماکے کی مذمت کرتے ہوئے کہا کہ ہر قسم کی دہشتگردی کی مذمت کرتے ہیں دہشتگردوں کا کوئی مذہب نہیں ہوتا۔ تفصیلات کے مطابق وزیراعظم نواز شریف نے ترکی دھماکے میں قیمتی جانوں کے ضیاع پر افسوس کا اظہار کرتے ہوئے کہا کہ مشکل کی اس گھڑی میں ترک عوام اور حکومت کے ساتھ ہیں۔
پاکستان ہر قسم کی دہشت گردی کی مذمت کرتا ہے ۔ دہشت گردی جیسے ناسور کا خاتمہ کر کے رہیں گے۔ وزیراعظم نے جاں بحق ہونے والوں کی مغفرت کے لئے دعا بھی کی۔ واضح رہے کہ جمعہ کی صبح ترکی کی حدود میں شامی سرحد کے قریب پولیس کی عمارت کے باہر دھماکہ ہوا تھاجسکے نتیجے میں 9افراد ہلاک اور64 زخمی ہوئے تھے۔